Der Talisman
Theater
Theater
Kartei Details
| Karten | 70 |
|---|---|
| Sprache | Deutsch |
| Kategorie | Allgemeinbildung |
| Stufe | Grundschule |
| Erstellt / Aktualisiert | 09.07.2013 / 09.07.2013 |
| Weblink |
https://card2brain.ch/box/der_talisman
|
| Einbinden |
<iframe src="https://card2brain.ch/box/der_talisman/embed" width="780" height="150" scrolling="no" frameborder="0"></iframe>
|
He dänk wohl.
Dir heit sicher nüt dergäge, wenn i o mitchume?
Dänk öii Härz aazünde!
Dir heit's wider luschtig. Göht dir ga tanze?
Dä het di übrigens scho im Verdacht.
Wiso?
Und jetzt gloubt är, du heigisch se aazündet-mit dyne Haar
Das isch eifach gemein, wie dir mi geng plaaget. Nume wüll i die Einzigi im Dorf by, wo settigi Haar het. Grad wäge dene chönt i ja die Schönschti sy.
Uf e Tanzbode!
Göht nume! - Mi lö si wider einisch allei. Und warum? Wöu ig die rothaarigi Salome by. Rot isch doch so ä schöni Farb. Die schönschti Blueme, das isch ä roti Rose. U öppis Schöns isch o es prächtigs Morgerot. D Wulche si eigentlech ke gueti Erfindig, aber sogar die si schön im Aberot. Drum säge ig: Wär öppis het gäge die roti Farb, dä weiss nid, was schön isch. Nume - was nützt mir das alles, we mi keine mitnimmt a d Chilbi? - und wenn i alleini ga, lache mi d Meitschi nume us u schnädere über mi. I ga zu mine Gäns, die schnattere wenigschtens nid us Bösi. U wenn i ne ds Frässe bringe, luege si mr uf d Händ, u nid uf d Haar.
Szene 4
Das Brot rumoret jetzt i mym Mage, i muess öppis trinke.
Brot im Mage- chönnt i das wunderbare Gfüehl nume mit ihre teile!
Ä frömde junge Herr- u Haar heter grad wie i!
Nimmt mi wunder, ob die mir o " Rüeblichopf" seit.
Guete Tag Haarverwandts Wäse.
Ä gsägnete Tag, schöne Herr.
Die findet mi schön. Das isch o die erschti wo...
Die Erschti? - Nei, die letschti im Dorf- i hüete d Gäns. Ig bi die armi Salome
Warum arm? Fürsorglechi Erziehere vo junge Gäns? Dyni Kolleginne ir Stadt heis o nid liechter. Si schtrample sech jahrus und jahry ab, für d Bildig vo irne Schützlinge. Meischtens mit zwyfelhaftem Erfolg. U du? Du übergibsch dyni - vollkomme usbildet für ihri Ufgab- all Jahr am Martinstag dr Mönschheit
I verstah öich zwar nid, aber dir redet soo schön! Wär isch öiie Vater?
Jetzt? Ä verstorbnige Schuelmeischter.
Das isch schön. - U öij Mueter?
Isch-bevor si gstorbe isch- längeri Zyt Gattin vo ihrem aatroute Ehemaa gsy.
Ah, das isch schön!
Die findet alles schön. Da cha i no so Chabis verzelke.
U darfme frage, wie dir heisset? Nume der Vorname.
I heisse Titus.
Titus. Ä sältene Name. - jäh, u läbigi Verwandti heit dir keini?
Momol! Ussert dene " Dahingegangene" zeige sech a mym Stammboum no dütlechi Schpuure vomene Herr Unggle. Aber dä git mir nüt.
Villech heter o nüt.
Tue di nid versündige, Chind! Är isch Bierbrauer u die hei alli öppis.
Jäh - heit dr de öppis boosget, dass er Öich nid mah?
Ja leider! I hane a sire empfindlechschte Schtrll troffe, a sim Oug. "Was heisst troffe!" I triffes jedes Mau, we är mi muess aaluege: Är cha roti Haar nid verputze. Är schliesst uf Grund vo mir Haarfarb uf ene lätz gfäderete Charakter, u drum isch sys Härz u o sy Kasse für mi zue.
Schlächte Mönsch!
Ender dumm. D Natur isch o da ä fynfüehligi Lehrmeischtere. Mir wüsse, dass d Munine ä Pigge hei uf die roti Farb, u die gröschte Büffle regiere am wüeschtischte.
Wie dir gschyd chöit rede. Das gsuch me nech gar nid a.
Aber wyter i mir Läbesgschicht: d Verachtig vo mym Unggle isch nid dr einzig Wärmuets-Tropfe i mym Schicksals-Bächer. S'Heiligtum vo dr Liebi isch mir wäge Gschmacksverirrig verschlosse blybe. Dr Tämpel vo dr Fründschaft ha i fluchtartig verlah, wo ig gmerkt ha, dass sech myni Fründe luschtvoll uf myni Chöschte luschtig mache.da staa i jetzt ohni Gäld, ohni Liebi, ohni Fründe, frei wie e Vogel.
Und - gfallt's nech?
Freihiet isch schön - aber ä lääre Mage weniger.
De geits also ums Brot. Ja, we dir weit schaffe, de wüssti e Uswäg. Mi Brueder isch Gsell bim Beck. Dä het e grosse Betryb und suecht e Chnächt.
Was! I söll Chnächt wärde? Ig, wo einisch äs Subjekt bi gsy?
Subjekt? Ja, so eine heimer o scho gha. Dä hei si aber abgschobe.
Warum?
Wüll är äs uuguets Subjekt gsy sig, het dr Richter gseit.
Ah, das isch öppis Anders. Aber zrugg zu dym Brueder! Het är das Brot verfasst?
Eh - Ja - natürlech ischer o derbi gsi.
I wett einisch inschpiziere, wie wyt's dy Brueder im Studium vo der Brot-Wüsseschaft bracht het.
Da, probieret! I gloube chuum, dasses öich mundet.
Mmh - äs isch...
Myni Gäns fräss es; aber die sy halt nid heikel.
Das mah mi - i has o gärn!
Und? -Gället, s'isch nüt Bsunders?
Ja - i wett dy Brueder nid nach so emene Mümpfeli beurteile; da brucht es scho ä gründlecheri Expertise. I gibe dr de Bscheid.
De heit dir also im Sinn, no chly dazblybe? Das isch schön! Es gfallt nech sicher. - wenn öich dr Beck nume aaschtellt!
I verlah mi da ganz ufd Protektion vom Gsell.
Es muess gah! - dert, lueget!
Ä Kutsche! - Ds Ross isch dürebrönnt, gäge Grabe abe - stärneföifi!
Dä wird doch nid öppe...? - Är rennt wie e Wilde - wenn ihm nume nüt passiert! S ' Ross - äs rysst ne mit. Jetzt blybt er stah - är hets chönne ufha - das isch e Tonnerskärli! Ä feine Herr schtygt us - bindet ds Ross a ne Pfoschte - jetzt chöme si da häre. - ou, das muess i am Beck ga verzelle! We är das ghört, nimmt er ne sicher.
Szene 6
Oh my liebscht Herr Titus, so es Päch!
D Salome! - Was isch passiert?
Dr Beck wott nech nid. Jetzt cha i öich nid häufe. Äs ma mi grüselig, i chönnt gränne.
Äs isch ender zum lache. Isches so schwär, bi öich Chnächt z wärde?
Erschtens, heig er öji Zügnis nid gseh, seiter, u zwöitens heug er Bewärber usem Dorf woner müess Rücksicht näh...
Liebi Salome, mir stöh utz anderi Türe offe: i ga itz Schloss.
Ids Schloss? D Herrin cha roti ... - das da beleidiget ihri Ouge.
Sit sech mini Houptsorg i dere Trucke i Glück verwandlet het, mache mir die herrschaftleche Ouge ke Angscht meh.
Viu Glück zu öjiem Glück. S'isch ja nid rächt, aber es mah mi halt glich, dass wider e Hoffnig Bach ab geit .
Was für e Hoffnig?
He ja, we dir würdet im Dorf blybe, chönnti mir zämä gäge die churzsichtigi Bande aträtte. U wenn sech kes Meitschi mit em rote Titus, u ke Burscht mit dr rote Salome wett zäme tue...
... Würde sech die Verschüpfte zwangslöifig finde...
Mir wäre gwüss gueti Fründe worde...
... U vor Fründschaft zur Liebi wärs nur no es chlises Schrittli, es Gänsefüessli.
So wyt si mini Gedanke nid gange.
Werum nid? Gedanke choschte nid vil!
Scho, aber es git Gedanke, wo vil Träne choschte. - Bi mir geit d Rächnig leider nie uf.
Ja - der Mensch denkt und d Perügge lenkt. Adieu Salome
Dir chönntet mir wenigschtens no aständig Bhüettigott säge.
Hesch rächt. Bhüettigott Salome.
Ufwiderluege, Herr Titus
