Der schnäuscht Wäg nach Worb
Sketch
Sketch
Kartei Details
| Karten | 55 |
|---|---|
| Sprache | Deutsch |
| Kategorie | Literatur |
| Stufe | Andere |
| Erstellt / Aktualisiert | 19.02.2014 / 14.01.2025 |
| Weblink |
https://card2brain.ch/box/der_schnaeuscht_waeg_nach_worb
|
| Einbinden |
<iframe src="https://card2brain.ch/box/der_schnaeuscht_waeg_nach_worb/embed" width="780" height="150" scrolling="no" frameborder="0"></iframe>
|
BEGINN
Ah! Eh, erlauben sie. Sie sind doch sicher ein Einheimischer, gell?
Einheimischer? Ja, wie meinet dir das?
I mein, sie sind doch hier gebore, ne?
Jä, hie ar Zytglogge? Nenei deheime, ar Chesslergass Nummero 32 im dritte Stock!
Nei, hehe, i mein, sie sind doch Berner? Oder?
Jä, heit dir öppis dergägä?
Dergege? Eh, nei, im Gegeteil. Aber sie könne, ehm, ja doch das könne sie. Sie könne mir sicher sage: wann fährt der nächschte Omnibus nach Worb?
Der nächscht Omnibus nach Worb?
Nach Worb, ja.
Ja, wenn dass dä fahrt?
Ja, wenn dass der fahrt!
Eh, nie!
Aha! Ja, was... wieso nie??
Jä, wüu nach Worb e ke Omnibus fahrt.
Ach nach Worb da fährt gar kei Omnibus?
Nenei, da fahrt kenä!
Ach du meine Güte. Ja sagen sie... Kann man nach Worb auch gehe?
Ja weme wot chame scho...
Ja, ja, und wie geht man denn da?
Jä, zfuess!
Ja, des isch ja schliesslich klar, ne?!
Ja nei, das isch nid so ganz klar. Dir chönntit ja o uf de Häng gah, nume heiter de e chly lenger.
Sie Spassapfel, haha. Ja sagen sie mal... sie verstehen mich falsch. Wie lang geht man denn da?
Eh, wie meinen sie wie lang? Ja da könnt ihr hier lang gehen oder chöit da lang gehen.
Nein! I mein wie lange, wie lange man geht.
Aha ja da chöiter z ganz Jahr gah, d Worbstrass isch geng offe.
Mann! Das isch ja klar ne!? I mein, wie viel Ze, wieviel Zeit dasme braucht.
Aha, wieviu Zyt dasme brucht? Eh ja, jeh nach däm!
Aber was heisst jetzt wieder jeh nach dem?
Jä gäuet, jeh nach däm wie eine geit. We eine langsam heit, heter natürlech e chly lenger, weder eine wo gleitiger geit.
Also mann! Des isch ja vollkomme klar!
Jä nei, das isch nid eso ganz klar. Wüsster es git äbä no die ganz langsame. U die loufe no langsamer weder die langsame.
Aber ich mein doch, was brauchtme so im Durchschnitt?
Im Durchschnitt?
Ja im Durchschnitt!
Aso ja, so siebe Franke füfesiebezg müesster scho rächne!
Ach was heisst jetzt wieder siebe Franke fünfesibezg?
Ja, weder ja, de chömeter afa mau ids Burgereziu u de heiter doch de afa Durscht u de gaht der dert ga es Bier ha, ja, u das choschtet öppe es Füfzgi, mitem Trinkgäud, u nähr gahtder... u nähr geits de feiechly lang u de chömeter de afa uf Gümlige. De heit dr, ja, dasch de e strecki, da heitder ja de sicher Hunger, gäu, u de gahter....... ...... ...... ......Ja... so siebe Franke füfesiebezg müesster scho rächne.
Ja... aber ich möcht doch wisse, wie viel Zeit ich daderzue brauch.
Ja für das aus z ässe?
Ja... äch neiii
Ja da müesster öppe.... was weimer sägä..... föif, ja so zwänzg Minute müesster da scho rächne.
Ach... aber sie könne mir doch wenigstens sage, wie muss ich da gehe?
Ja muss... i ha gmeint dir ganget freiwiuig?
Jaaa aber, aber wie geh ich da?
Da chöiter scho im Mantu gah? Dir chöitne aber o ufe Arm näh!
Aso sie, zu letschten mal, wie geh ich nach Worb?
Ja zum letschte... i ha gmeint dir gangit zum erschte mau?
Jaaa ich geh ja zum erschten mal, darum steh ich doch hier und frage sie.... leider...
Ja das hani mir de no dänkt. Ja auso am beschte gahter jtze da mau über die Kirchenfeldbrücke.
Kirchefeld... ah endlich, also mein Weg führt über die Kirchefeldbrücke.
Jä, nid nume eue! Aui wo uf Worb göh, müesse über d Chiuchefäudbrügg... eh es isch o der chürzischt Wäg...
Ja, des isch ja wohl klar, und dann? Weiter?
De geits de äbä d Thunstrass düruf...
Thunstrass... Ja Thunstrass? Ich will doch nid nach Thun!!
Jä heit der öppis gägä Thun?
Nein! Aber ich will doch nach Worb!
Ah, nach Worb weiter?
Ja nach Worb.
Ah, u nach Gümlige weitder de nid?
Nach Worb! Ich wüsst nid was ich in Gümlinge suche sot...
Eh chönnt si, dasder dert vilicht no Verwandti hättit!
Ich hab weder Verwandte in Thun, noch Verwandte in Worb, noch Verwante in Gümlinge.
Ah, ja nach Worb weiter auso?
Ja, ich will nach Worb.
Aha!
Wenni au keine Verwandte hab, ich will trotzdem nach Worb.
Ja nu, de gangit haut.
Ja aber bitte, wie geh ich da?
Ja da gahtder eifach witer, nid.
ja witer, nacher und nache?
Ja de gahtder de, ja, de müesster haut äbä glich über d Chiuchefäudbrügg.
Ja, des will ich ja aber.....
När äbä de d Thunstrass uf...
Ja also jetzt simer an der Kirchenfeldbrügg.
Ja was heisst da wir? I chume nid mitnech!
Mann, mann!! Ihre Nerven möcht ich haben.
Jä die bruche ig säuber. Ja jtze gahtder eifach da über d Chiuchefäudbrügg, u nächär de d Thunstrass düruf...
Thunstrass...
