Ducenti 28
Quella cartoteca ei creada dalla classa finala 28 da Mustér. Ella promova in bien scazi da plaids da romontsch.
Quella cartoteca ei creada dalla classa finala 28 da Mustér. Ella promova in bien scazi da plaids da romontsch.
-
- 1 / 168
-
Lernkarten
121 Remplazza quei verb tudestgau cun ina megliera varianta: far il teamen. Declara cun agens plaids tgei che quei verb munta.
Timar ei in meglier verb, quel deriva dil substantiv team e che nus vein creau en classa. Manegiau ei che scolars lavuran el team schegie ch'il giug da catschadur ni in semegliont pretendess che tuts gioghien encunter tuts.
122 Translatescha die Brotkrume en romontsch.
la miula
123 Descriva cun agens plaids accelerar e translatescha.
accelerar = beschleunigen, quei munta che jeu ni miu vehichel vegnan adina pli e pli sperts.
124 Descriva enfaschar cun agens plaids
Quei fan ins sch'ins ha mal enzanua e ligia entuorn ina fascha.
125 In auter plaid per far fein.
fenar
126 Numna in meglier plaid per trer flad.
respirar
127 In verb per pigliar fiug.
arder
128 Translatescha ballistrar en tudestg
Zappeln
129 Declara il plaid unscher cun agens plaids.
Ins unscha en la comba cun ina crema cura che ella fa mal.
130 Scriva in sinonim da scaldar.
calirar
131 Enumerescha la famiglia da il dessegn.
verb = dessignar, adjectiv = dessignabel, substantiv = il dessegn
132 Fai in verb ord il nomen il daguot. Pren igl infinitiv.
daguttar
133 Remplazza la noziun far glisch cun in verb.
illuminar
134 Sche la stadera ei sin omisduas varts tuttina, lu numnan ins quei:
igl equiliber
135 Curregia la construcziun suandonta: «Nus vegnessan a gentar tier vus sche nus fussan cheu.»
vegnessen, fussen
136 Tgei plaid s'auda buca ella gruppa: deprimiu, tschentau, frustrau, trest?
tschentau
137 Scriva in antonim da svanir.
Cumparer
138 Indichescha in sinonim da freh.
garmadi
139 Transformescha il nomen la notg en in adjectiv.
Nocturn
140 Numna la fuorma feminina da staunchel.
Stauncla
141 Declara la noziun nunstunclenteivel. Translatescha en tudestg.
Rastlos. En quei plaid ei zuppau igl adjectiv staunchel. Munta pia dad esser 'buca staunchels', cun massa energia, senza pausa.
142 Declara la noziun il glimari. Translatescha en tudestg.
Quei plaid vegn da pli baul. Il piertg da maz vegneva numnaus il glimari. Munta oz plitost ina creatira ni persuna immensa. Das Masttier, der Riese
143 Declara la noziun considerabel. Translatescha.
Namhaft. En quei adjectiv ei zuppau il verb considerar che munta mirar, observar (betrachten). Pia zatgei che vala d'observar ed ei grond e bi.
144 Translatescha abundont en tudestg.
reichlich
145 Explichescha la noziun tarladiu.
Quei ei zatgei ch'ei mender che schliet. Zatgei che gusta aschi schliet ch'ins sto bunamein render. ekelhaft
146 Numna in sinonim da petschen.
pign
147 Declara la noziun remediar e translatescha.
En quei plaid ei zuppau il miedi, ni medicament. Ins migliura enzatgei. verbessern
148 Translatescha la viarcla.
die Ausrede
149 Numna dus sinonims da la disgrazia.
il discletg, la catastrofa
150 Declara la noziun malmund e translatescha.
unrein, unkeusch. Ha ina cumponenta sexuala, zatgei che s'auda buca, buca schuber. Pli baul numnavan ins ch'ei seigi dil giavel.
151 Declara il substantiv il paracurdader cun agens plaids e translatescha.
il paracurdader = der Fallschirm
Quei ei sco in parisol ch'ins sa siglir ord in aviun e parasgular giu sin tiara.
152 Translatescha il parasgulader.
il parasgulader = der Hängegleiter
153 Numna dus sinonims per sgiavlar.
zachergiar e zundrar
154 Tgei ei la differenza denter detg e dètg?
Detg ei il verb conjugau da dir el perfect, el ha detg a mi ina schula. Dètg ei in adjectiv, per exempel: el ha sittau ina dètga tschiarva, quei munta ina fetg gronda. Ni in adverb, per exempel: la Heidi suna gia dètg bein ghitarra.
155 Tgei ei la differenza denter car e carr?
Il carr ei in vehichel cun quater rodas, der Wagen. Car ei in adjectiv, quellas apricosas dil Valeis ein caras, el ei in car buob. Teuer, lieb
156 Tgei ei la differenza da per, pér e pèr?
La Heidi fa sport per restar movibla. Ils pérs dalla plonta dalla famiglia dalla Heidi ein deliczius. Ils geniturs dalla Heidi eran pli baul in bi pèr. Für, die Birne, das Paar
157 Translatescha flirtar e porta treis sinonims.
flirten, sinonims: marusar, far bibi, tschaghignar
158 Translatescha bitschar e porta dus sinonims.
küssen, dar ina buna, dar in bunin
159 Declara la noziun carsinar e translatescha.
liebkosen, quei munta da ver bugen enzatgi, da strihar atras ils cavels ni sur la fatscha, «ils dus amurai secarsineschan»
160 Tgei munta dar in canaster? Translatescha
zurückweisen, refusar la carezia, survegnir in canaster munta che l'auter vul buca ina amicezia ni ch'el refusescha in project ch'ins vuleva realisar cun el.
